297
[i525]
DE LA VILLE DE PARIS.
vant soubz le xxvc jour de Septembre I1', ensemble deux formulaires : l'ung en latin, contenant la forme de l'obligation qu'elle requiert estre passée par ceste Ville, laquelle obligation,mond. sr le Prevost, des Marchans a décleré en françoys pour ceulx, peult estre, qui ne l'entendoient; et l'autre en françoys, contenant la forme de la publication de paix qui s'en ensuyvra'2'. Ce fait, a sur ce demandé particuliere­ment les advis et oppinions aux assistans; et a esté par leurs oppinions deliberé :
Que l'Assemblée pour telle matiere n'estoit quant à present suffisante pour y oppiner, et mesmement que les principaulx lant gens d'Eglise que officiers du Roy, des cours et jurisdictions de ceste ville qui y avoient esté appellez comme dit est, n'y estoient pre­sens ne venuz; et aussy qu'il estoit expédient et re-quiz de veoir préalablement les articles de l'obliga­tion requise par lesd, lettres de Madame estre passée par cested. Ville ;
Et a esté cause qu'il'convenoit remettre ceste As­semblée en plus grant compaignye à ung autre jour qui sera advisé, ety rappeller de rechef mess" de la Court dé Parlement en tel nombre qu'il leur plaira, jusques à dix ou douze personnes, mess" des Comptes, et autres officiers du Roy, des cours et jurisdictions de Paris, semblablement monsr l'Evesque de Paris, Chappitre de Paris, le Recteur de l'Université acom-paigné d'aucuns docteurs deputez des Facultez, les abbez de Saincte Geneviefve et de Sainct Magloire, les prieurs de Sainct Martin des Champs ct des Ce­lestins, les Conseilliers ct Quarteniers de la Ville, avec bon nombre de notables bourgeois ct mar­chans d'icelle ville, à ce que les ungs ne s'excusent sur les autres. Et sera requiz, ce pendant, d'avoir les articles dud. traicté avant que d'oppiner en la matiere.
Si a esté ainsy conclud.
64. Autre Assemblée.
L'AN MIL CINQ CENT VINGT CINQ LE SAMEDI JOUR SAINCT SiMON ET SAINCT JuDE , VINGT HUITIESME JOUR D'OCTOBRE.
28 octobre 15a5. (Fol. 3i r°.)
Eslans au Bureau de la Ville maistre Jehan Morin, Prevost des Marchans, sires-Claude Foucault et Je­han Turquain, Eschevins, sont venuz oud. Bureau messeigneurs : monsr l'archevesque d'Aix lieutenant du Roy'3', le seigneur d'Allegre, prevost de Paris, et monsr de Jonas, cappitaine'4'.
Et a dit led. mpnsr d'Aix que :
"Depuys l'Assemblée faicte en l'Hostel de la Ville pour rendre responce aux lettres de Madame touchant le traicté dc paix par elle fait avecques les Engloix, où il avoit fait les remonstrances selon la charge à luy donnée par lettres de lad. Dame, et requiz sur ce luy estre donné responce; et après s'estoit retiré d'icelle Assemblée pour lesser oppiner les assistans cn leur liberté '5' : ne luy avoit encores esté faicte aucune res­ponce de par la Ville, par quoy n'avoit peu advertir
lad. Dame dc chose certaine, mays bien avoit entendu par quelc'un que l'Assemblée n'avoit esté trouvée pai­les assistans suffisante pour oppiner lors sur l'affaire, au moyen de plusieurs gros et principaulx person­naiges tant d'Eglise que d'officiers du Roy et autres notables personnes qui n'y estoient comparuz,' com­bien qu'ilz y eussent esté appellez; et aussy qu'il estoit bien requiz pour la gravité de la matiere veoir les articles dont l'on requeroit estre passé obligation : à ses causes avoit esté remise l'Assemblée à ung autre jour, où seroient rappeliez de rechef les défail­lans et autres en plus grant nombre, et ce pendant l'on recouveroit les articles.
"Or en cest interval, Madame, esbahyc qu'elle n'avoit eu nouvelles de la Ville, a escript à mond. srle prevost de Paris d'en parler de rechef à la Ville, et
O C'est à dire : transcrites au procès-verbal de l'Assemblée de Ville tenue en ce jour (art. 61 ci-dessus). Les lettres de la Régente ici visées sont antérieures de quelques jours à celte date, ayant été données à Roussillon le 14 septembre. (Voy. ibi<l.) (s) Ces instruments, datés des i4 et 17 septembre, sont également reproduits à l'art. 61. (3) Sur ce personnage, voy. la note 1 de la page 284.                                       ' -
<4' Ici un espace blanc à l'original. (-' Assemblée du 4 octobre; art. précédent.                                                                                                            .
i.                                                                                                                                                                38